Një 76 vjeçar kaloi tre ditë “i burgosur” në një pusetë në qytet, në të cilën kishte rënë duke kërkuar çelësat. Ngjarja ka ndodhur në Montegrotto Terme të Padovas.

Policia u vu në alarm pas denoncimit nga familjarët për zhdukjen e tij, duke ushtruar kontrolle në pyje e gjetkë.

Por në fakt ai ishte përpara derës së shtëpisë dhe askush nuk e kishte vënë re.

Për nxjerrjen e ti u desh ndërhyrja e zjarrëfikësve dhe punonjësve të Shpëtimit Alpin.

Zjarrfikësit hoqën grilën metalike të pusetës dhe më pas punonjësit e Shpëtimit Alpin zbritën poshtë me litar dhe ku konstatuan se 76-vjeçari ishte ende gjallë.

Ai ishte i vetëdijshëm, por i dehidratuar dhe i mpirë nga pamundësia për të lëvizur. I moshuari u transportua menjëherë në spital për trajtim të duhur.

Policia po heton incidentin, ndërsa mësohet se 76 vjeçari u zhduk më 30 gusht, ku kishte dalë nga banesa për të mos u kthyer më derisa u gjet sot në pusetë.